بسم الله الرحمن الرحيم
موضوعي اليوم هو عن ...
الامهات اللي اسم انهم امهات ... هم طبعا وضيفتهم يحملون ويربون , والاهتمام والتربيه طبعا على اللي المفروض نسميها الام وهي الخادمه ..
أكثر مشاكل الخدم التي تحصل بسبب من اهمال الام ... لماذا ؟ ... الطفل 24 ساعه مع الخادمة , والخادمات يشتكون بأنهم ما يرتاحون , ولا يتهنون لا في نوم ولا في اكل ولا في شي ما غير يلاحقون في ذا البزارين , والام اللي اسم انها ام ما شاء الله عليها ما في بيت في الحارة الا وزارته وما فيه موضة تنزل الا وتعرفها والسوق احفظت شكله من كثر ما تروح له بل هو يغرد لا من اقبلت عليه لان ما احد مربحه الا هي ... والا وضيفتها الثانيه (( أكل , نوم , تلفزيون )) يا حتى ولدها ما تسأل عنه ...
اللي يقهرني انها لا هي باللي مهتمه في زوجها و لا هي مهتمه في بيتها عشان نقول انها مشغولة ... ولا شغل ولا مشغله ... وعلى كل طفل تجيبه خدامه لان حضرتها مشغولة في اشياء ثانيه ...
تلقى الولد ما يبي الا الخدامه لان تعود عليها ... لدرجة ان كلامه صار مكسر زي الخدم ...
أقل شئ على الاقل تقوم الصبح تطمن على عيالها قبل لا يروحون المدارس ... ما فيه ... تلقاها في سابع نومه ... والخدامه هي اللي تقوم بكل شي وتعطيهم مصروفهم وتوصلهم لمدارسهم وتجيبهم الظهر ..
انا طبعا ما اجيب كلام من عندي ... كل هذا من الواقع ..
ونصيحه للام المهمله او للي مقبلين على الزواج ... ان كانتس مانتي بقد المسؤليه ... اجل وش هو له تعرسين ؟ كان جلستي ببيتتس معززة مكرمة ولا انتس تبلشين نفستس وتبلشين العرب وياتس ...
واخيرا ..
ارجو ان الموضوع قد نال اعجابكم ... فلا تبخلو بابداء آرائكم
منقووول
ـــــــــــــــــــــــــــــــــــــ
